Молитва

Св. праведный Алексий Бортсурманский 4 Мая (Апреля 21 по старому стилю)

Тропарь, глас 4

Вознесе Господь бездну смирения твоего превыше небес и дарова нам имя твое во источник предивных чудес. Темже во Христе во веки живый, чудотворче, молитвою спасая сущия в бедах, слыши чада твоя, верою призывающия тя, Алексие праведне, возлюбленный пастырю наш.

Кондак, глас 4

К пресвитерству усердному видением Ангела призванный, пастырь дивный Церкви Христовы явился еси, праведне отче наш Алексие. Моли Христа Бога нашего, грехов оставление нам даровати и с тобою в Царствии Божием быти.

Молитва

Святый праведный отче наш Алексие, сохрани и соблюди нас молитвами твоими от искушений диавольских и падений греховных, испроси нам свыше помощь во время уныния и беспомощия нашего, да не преткнемся о камень соблазна, но неуклонно шествуем путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. И яко предумершую душу отрока молитвою твоею воскресил еси, тако душам нашим испроси у Господа к усердию воззвание. Да, избежавши молитвами твоими мытарств воздушных и власти лютаго миродержца, унаследуем Царство Небесное и прославим великолепое Имя Отца, и Сына, и Святаго Духа во веки веков. Аминь.

отец Алексей Бортсурманский

1 комментарий

Добавить комментарий